នារីម្នាក់បើករថយន្តជ្រុលចង្កូតបុករបាំងថ្មបាក់អស់បួនដុំ បណ្តាលឲ្យក្រឡាប់ផ្ងារកង់ឡើងលើ
30-March-2016 | ដោយ មែន កំសត់
ភ្នំពេញ ៖ គ្រោះថ្នាក់ចរាចរណ៍មួយបង្កពីខ្លួនឯង ដោយនារីវ័យក្មេងម្នាក់បានបើករថយន្តក្នុងល្បឿនលឿនជ្រុលទៅបុករបាំង ថ្មពុះចែកទ្រូងផ្លូវបាក់ខូចខាតអស់ចំនួនបួនកង់ខណ:ពេលនារីនោះ បើករថយន្តចេញពីសាលា។ហេតុការណ៍បានកើតឡើងនៅតាមបណ្តោយផ្លូវលេខ២១៧ (ហ្សាដឺហ្គោល) ក្នុងសង្កាត់អូឬស្សីទី២ ខណ្ឌ៧មករា កាលពីព្រលប់ថ្ងៃទី២៩ ខែមីនា ឆ្នាំ២០១៦ ។
ប្រភពព័ត៌មានពី កន្លែងកើតហេតុ បានឲ្យដឹងថា រថយន្តម៉ាកសាយហ្គនពណ៌សពាក់ស្លាកលេខភ្នំពេញ 2AB 1971 ដែលបើកបរដោយនារីម្នាក់ ជាសិស្សសាលាបានធ្វើដំណើរតាមបណ្តោយផ្លូវ លេខ២១៧ (ផ្លូវហ្សាដឺហ្គោល) ទិសដៅ ពីលិចទៅកើត។លុះមកដល់ចំណុច កើតហេតុដោយសាតែបើកលឿន ពេកយកចង្កូតមិនទាន់ក៏ ជ្រុលទៅបុករបាំង ថ្មពុះចែក ទ្រូវផ្លូវពេញទំហឹង បណ្តាលរថយន្តក្រឡាប់ផ្ងាកង់ ឡើងលើរីឯរបាំងថ្មខូចខាត អស់បួនកង់ចំណែកអ្នកបើកបររថយន្ដ រងរបួសស្រាល។
ក្រោយពេលកើតហេតុនារីរូបនោះបានទៅព្យាបាលនៅ មន្ទីរពេទ្យឯកជនដែលនៅក្បែនោះ។ ចំណែករថយន្តត្រូវបានសមត្ថកិច្ចជំនាញស្ទូចយកទៅរក្សាទុក នៅការយាល័យចរាចរណ៍ជើងគោក នៃស្នងការដ្ឋាននគរបាល រាជធានីភ្នំពេញ ដើម្បីរងចាំការដោះស្រាយ នៅពេលក្រោយ៕
ចំនួនអ្នកទស្សនា
- ថ្ងៃនេះ11201
- ម្សិលមិញ15681
- សប្តាហ៍នេះ70041
- ខែនេះ91921
- ឆ្នាំនេះ91921
- សរុប20534377